Առանց Փաշինյանի հեռացման քաղաքական իրավիճակի փոփոխության չենք հասնի․ Աբրահամյան

«Ձեռագիրը, որն իշխանությունը կիրառում է Տավուշի դեպքում, կիրառել է Սյունիքի, Գեղարքունքի դեպքում, հատկապես ավելի ընդգծված սա կիրառել է Արցախի դեպքում։ Եվ նույնը այսօր մենք տեսնում ենք Տավուշում»,- այսօր լրագրողների հետ ճեպազրուցում ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը։

«Մենք բոլորս պետք է գիտակցենք, որ գլխավոր պայքարը Երեւանում է, կառավարության շենքի դիմաց է, գլխավոր պայքարը նիկոլ Փաշինյանի դեմ է։ Առանձին տեղային բնույթի գործողությունները մարտավարական տեսանկյունից ինչ-որ պահի կարող են հաջողություն ունենալ, բայց ընդհանուր պայքարում բնականաբար այդ ամենը պետք է լինի հստակ թիրախավորված ու հասցեական։ Այսօրվա եղած բոլոր խնդիրների, այդ թվում՝ անվտանգային խնդիրների հիմքում Նիկոլ Փաշինյանի եւ նրա իշխանության գոյությունն է, առանց նրանց հեռացման, այդ քաղաքական իրավիճակի փոփոխության, որեւէ ոլորտում հաջողություն չի լինի»,- ասաց պատգամավորը։