Պուտինը պաշտպանության նախարարի պաշտոնում փոխել է Շոյգուին, Լավրովը մնում է
- 22:51 12.05.2024
Վլադիմիր Պուտինը որոշել է փոխարինել պաշտպանության նախարար Սերգեյ Շոյգուին։
Փոխարենը նա Դաշնության խորհրդին է ներկայացրել կառավարության ղեկավարի առաջին տեղակալ Անդրեյ Բելոուսովի թեկնածությունը, իսկ Սերգեյ Շոյգուն Պուտինի հրամանագրով նշանակվել է Անվտանգության խորհրդի քարտուղար։
Ըստ Կրեմլի մամուլի ծառայության՝ Պուտինը ստորագրել է «Ռուսաստանի Դաշնության Անվտանգության խորհրդի քարտուղարի մասին» հրամանագիրը, որով Շոյգուն նշանակվել է Ռուսաստանի Դաշնության Անվտանգության խորհրդի քարտուղար։
Հրամանագիրն ուժի մեջ է մտնում ստորագրման պահից։
Մեկ այլ հրամանագով Պուտինը Նիկոլայ Պատրուշևին ազատել է Ռուսաստանի Դաշնության Անվտանգության խորհրդի քարտուղարի պաշտոնից՝ «այլ աշխատանքի անցնելու կապակցությամբ»։
Պուտինն առաջարկել է վերանշանակել Սերգեյ Լավրովին արտգործնախարարի պաշտոնում։