Գրքի և արվեստի 4-րդ փառատոնի մեկնարկը․ newmag

Հունիսի 22-ին Երազ այգում ազդարարվեց Գրքի ու արվեստի փառատոնի պաշտոնական բացումը:

4-րդ ամառային փառատոնին ելույթով հանդես եկան newmag-ի ղեկավար Արտակ Ալեքսանյանը, գլխավոր խմբագիր Գնել Նալբանդյանը և փառատոնի հովանավորները:

Երազում գրքասերները վայելել  են դասական երաժշտություն՝ համեմված ջազով։ Բեմում էին Կոմիտասի լարային քառյակն ու Ջազ տրիոն։

newmag հրատարակչությունը ներկայացրեց այս փառատոնի առաջին գիրքը՝ Քրիստինե Գրիգորյանի «Ավանդական ճաշասեղան. Բույրեր, համեր, հուշեր Գավառից» գիրքը։ Շնորհանդեսին ներկա էին գրքի ստեղծագործական թիմը, այն վարեց հեռուստահաղորդավար Արտակ Վարդանյանը: Վերջում տեղի ունեցավ Գավառի ավանդական աղանդերի հյուրասիրություն:

Performance zone-ում Արցախի Վահրամ Փափազյանի անվան Դրամատիկական թատրոնը ներկայացրեց մոնոդրամա՝ Ջեկ Լոնդոնի «Զսպաշապիկը»։ Ներկայացման ռեժիսորն ու գլխավոր դերակատարը Արմեն Թովմասյանն է։

newmag հրատարակչությունը ամառային փառատոնի ընթացքում ներկայացնելու է 4 նոր գիրք, հետաքրքիր գրքեր են, մեր գործընկերների հետ ներկայացնելու ենք արվեստի որոշ միջոցառումներ, ասել են կազմակերպիչները: Պատին փակցված են Երևանի հին լուսանկարներ, որոնք Վահան Ստեփանյանի անձնական արխիվից են:

Աշխատել ենք տեղաբաշխել հետաքրքիր միջոցառումներ և’ այսօր, և’ վաղը: Քիչ հետո ներկայացվելու է շատ հետաքրքիր գիրք` գավառի ուտեստների վերաբերյալ: Հեղինակն ապրում է Միացյալ Նահանգներում և պատրաստում է ինչպես իր մայրն է պատրաստել և ինչպես իր տատն է պատրաստել: Իր ուտեստների գրքում նա ներկայացնում է Գավառի ավանդական ուտելիքները և համեմունքները, թխվածքներ, իրենց ընտանեկան ավանդույթները, համայնքի ավանդույթները: Միայն բաղադրատոմսերով չէ հետաքրքիր, այլ այն միջավայրը և պայմանները որտեղ ստեղծվել են ուտեստները: Շատ քաղցր և գեղեցիկ հուշեր են պատկերված: Առաջարկում եմ բոլորին ձեռք բերել այդ գիրքը, ասել է վարողը:

newmag-ը ներկայացրեց Հենրի Քիսինջերի, Էրիկ Շմիդտի, Դանիել Հաթենլոքերի «Արհեստական Բանականությունը և մարդկության ապագան» գիրքը։

Yeraz Park / Երազ Այգի-ում Գրքի և արվեստի փառատոնին newmag-ը և Ari Standup Club֊ը ներկայացրեցին local սթենդ ափ շոու։

Երազ այգում տոնական ակորդներով ավարտվեց newmag / summer fest2024-ի առաջին օրը: Եզրափակիչ համերգին հանդես եկան Arpi Gabriela-ն ու Mihran Tsarukyan-ը: Դուետը կատարեց ինչպես հայտնի, այնպես էլ նոր երգերը:

Տաթև Ազիզյան