Սամանտա Փաուերն արցախցիների հետ ժենգյալով հաց է պատրաստում
- 14:40 09.07.2024
Ամերիկայի Միացյալ Նահանգների միջազգային զարգացման գործակալության ղեկավար Սամանթա Փաուերը Երևանում ժենգյալով հաց պատրաստեց արցախցի կանանց հետ: Նա Հայաստան այցի շրջանակում այցելել է Արցախից Հայաստան տեղափոխված սննդի օբյեկտ՝ «Թեյսթ օֆ Արցախ», որը աջակցություն է ստացել ԱՄՆ ՄԶԳ-ից:
Նրան ծանոթացրել են ժենգյալով հացի պատրաստմանը, ապա Փաուերն անձամբ է պատրաստել արցախյան ավանդական ժենգյալով հացը: Սամանթա Փաուերը ժենգյալով հաց պատրաստելուց հետո հանդիպել ու զրուցել; է ԼՂ-ից տեղահանված անձանց հետ:
Նշենք, որ «Թեյսթ օֆ Արցախ»-ը ստեղծվել է 2020 թվականի 44-օրյա պատերազմից հետո: Շուրջ 3 տարի է, ինչ տեղափոխվել են Երևան: Այս պահին ընկերության ավելի քան 10 աշխատակիցների մեծ մասը Լեռնային Ղարաբաղից տեղահանված անձինք են:
«Մեր արտադրանքն արցախյան ավանդական ժենգյալով հացն է: Ներկա պահին ունենք շուրջ 12 տեսակի ժենգյալով հաց»,-լրագրողների հետ զրույցում ասաց «Թեյսթ օֆ Արցախ»-ի հիմնադիր տնօրեն Միհրան Բաղդասարյանը՝ հավելելով, որ շատ ուրախ են, մեծ պատիվ է հյուրընկալել ԱՄՆ միջազգային զարգացման գործակալության ղեկավարին: