Synchron-ը ChatGPT-ն ինտեգրել է մարդու գլխուղեղին
- 18:22 16.07.2024
Արհեստական բանականությամբ (ԱԲ) աշխատող չատբոտերը հասել են մարդու գլխուղեղ։ Գլխուղեղ-համակարգիչ միջերեսների մշակմամբ զբաղվող Synchron ընկերությունը հայտարարել է, որ իր միջերեսի հարթակին ինտեգրել է գեներատիվ ԱԲ, որը հիմնված է OpenAI ընկերության զարգացումների վրա:
Նման համակարգերն արդեն օգտագործում են ԱԲ, որը պատասխանատու է մարդու որոշակի մտադրություններին ուղեղի որոշակի ազդանշանների համապատասխանությունը որոշելու համար: Այս դեպքում OpenAI ԱԲ-ն միջերեսն ավելի պարզ և հարմար է դարձնում այն օգտագործողի համար։ Generative ԱԲ-ն կարող է ստեղծել ավտոմատացված տեքստային հաղորդագրությունների առաջարկներ՝ դասակարգված ըստ համատեքստային տվյալների, ներառյալ օգտատիրոջ զգացմունքները, իսկ թե ինչպես է այն աշխատում, մշակողները ցույց են տվել տեսանյութում։
Synchron-ը պնդում է, որ GPT-ի միջոցով համակարգն այն կրողին կարող է օգնել ստեղծելու տեքստ կամ նույնիսկ աուդիո մարդու սովորական խոսքի արագությամբ:
Կարևոր է նաև նշել, որ Synchron-ի մշակման ժամանակ դրա չիպը տեղադրվում է գլխուղեղի այն հատվածում, որը պատասխանատու է մարդու շարժումների, վերահսկողության և այլ գործառույթների համար։ Ընդորում, չիպը դրվում է գլխուղեղի մակերեսի վրա՝ պարանոցային երակով՝ օգտագործելով նվազագույն ինվազիվ էնդովասկուլյար պրոցեդուրա:
news.am