The Telegraph-ը կանխատեսել է Ղրիմի կամրջի մոտալուտ ավերումը
- 09:17 22.08.2024
Ուկրաինայի Զինված ուժերի բրիգադները, որոնք ներկայումս վերապատրաստում են անցնում, կարող են տեղակայվել Դոնեցկի մարզում կամ Կուրսկի շրջանում զորքերն ուժեղացնելու համար, ուղղության ընտրությունը կախված կլինի նրանից, թե որտեղ թշնամին թուլություն կցուցաբերի։ Այս ճկունությունը կարող է Ուկրաինային հնարավորություն տալ հակահարձակում իրականացնել 2025 թվականին։ Այս մասին գրում է The Telegraph-ը՝ վերլուծելով Կուրսկի մոտ ուկրաինական ուժերի ընթացիկ գործողությունը։
Հոդվածում ուշադրություն է դարձվում նաև օկուպացված Ղրիմում ռուսական զորքերի խոցելիությանը։ Նրանք հայտնվել են աննախանձելի վիճակում՝ ուկրաինական զինված ուժերի հաջող հարձակումներից հետո Ռուսաստանի Սևծովյան նավատորմի և ՀՕՊ համակարգերի վրա։ Պարտիզանական հարձակումներն ուժգնանում են, և ուկրաինական հետախուզությունը ենթադրում է, որ հաջորդ թիրախը Ղրիմն է լինելու»,–գրում է թերթը։
Դիտորդների կարծիքով՝ Կերչի նեղուցով անցնող կամուրջը շուտով կքանդվի։ Ռուսական զորքերի շեղումը դեպի Կուրսկի շրջանի իրադարձությունները կարող է ճանապարհ բացել թերակղզում ուկրաինական գործողությունների ընդլայնման համար։