Եթե Լուկաշենկոյին ու Պուտինին հայերը պետք չեն, թող պոկ գան մեզնից
- 17:38 22.08.2024
Իվան Այվազովսկի․ «Նոյն իջնում է Արարատից»
Բելառուսի առաջնորդ Լուկաշենկոյի հայտարարությունը, թե մեզնից բացի հայերը ոչ մեկին պետք չեն, մեկնաբանվում է «հակառակն ապացուցելու» տրամաբանությամբ։
Իրականում Լուկաշենկոն խոստովանեց, որ իրենք (ինքը, Պուտինը, Ալիևը և մյուսները) հայերի կարիքն ունեն, որ առանց հայերի նրանց մոտ ոչինչ չի ստացվի, քանի որ նրանց պատմությունը մի քանի հարյուր տարի էլ չի ձգում, իսկ հայերի բեքգրաունդը Նոյին է հասնում։
Ասենք, ֆրանսիացիներին, արևմուտքին և նույնիսկ Հայաստանի իշխանությանը հայերը պետք չեն։ Բայց ինչի՞ն են նրանք պետք Լուկաշենկոյին ու Պուտինին։ Եթե հայերի ոչ մի բանի պիտանի չեն, թող Լուկաշենկոն “անտառով անցնի”։ Ինչո՞ւ են մտցրել հայերին իրենց կողտոտ ՀԱՊԿ ու ԵԱՏՄ-ները, ինչո՞ւ են բոլոր շներին հայերի վրա անում, ինչո՞ւ չեն թողնում Արևմուտք գնանք, նույնիսկ թույլ չեն տալիս վայելել քաղաքակրթության հազարամյա բարիքները։
Հին քաղաքակրթությունների հետ կապված «երիտասարդ», դեռևս չձևավորված ազգերի հոգեբանական բարդույթները հանգիստ չեն տալիս նրանց։ Բելառուսներն այսօր կան, վաղը չէ, ռուսները դեռ չեն որոշել իրենց էթնոգենեզը, ադրբեջանցիները նույնիսկ հստակ էթնոանվանում չունեն, իսկ հայերը եղել են, կան և կլինեն։ Նոյը բանալիները հայերին է տվել։