Ուկրաինական անօդաչուներն արդեն Սարատովում են

Այսօր՝ օգոստոսի 26-ին, ժամը 4:30-ի սահմաններում անօդաչու սարքերը գրոհել են Սարատովի մարզը։ Այս տեղեկությունը հաստատել է անձամբ շրջանի նահանգապետ Ռոման Բուսարգինը։ Նրա խոսքով, խոսքը մի քանի անօդաչու թռչող սարքերի մասին է, շրջանի բնակիչները հաշվել են առնվազն չորս բարձր ձայն։ Բուսարգինն ասել է, որ դա ՌԴ զինված ուժերի հակաօդային պաշտպանության համակարգն է, հայտնում է Astra-ն։ Նահանգապետն ասել է, որ կործանված անօդաչու թռչող սարքերի բեկորները վնասել են երկու քաղաքների տները:

Էնգելսի բնակիչներն արդեն համացանցում տեղադրել են բազմահարկ շենքի կադրերը, որոնց վրա իբր ընկել է խոցված անօդաչու թռչող սարքը։ Ռուսական Mash-ը տեղադրել է կադրեր Սարատովից, որտեղ վնասվել է ամբարտակի վրա գտնվող Sky City բնակելի շենքը, ինչպես նաև կադրեր Էնգելսի բազմահարկ շենքի, որը գտնվում է Պուշկինի փողոցում։

Նահանգապետի խոսքով՝ բոլոր անօդաչուները իբր խոցվել են հակաօդային պաշտպանության համակարգերի միջոցով։

Հիշեցնենք, որ Էնգելսում կա ավիաբազա, որտեղ տեղակայված են Tu-95MS և Tu-160 ռմբակոծիչները, որոնք հաճախ հարվածներ են հասցնում Ուկրաինայի տարածքին։

Այս մասին հայտնում է  «Диалог.UA» -ն