«Տաշիր» բարեգործական հիմնադրամը կշարունակի արցախյան ընտանիքներին աջակցելու ծրագիրը

Արցախից բռնագաղթվելուց հետո Տաշիր համայնքում բնակվող գրեթե 300 ընտանիք կշարունակի պարենային օգնություն ստանալ հիմնադրամից։ Հիմնադրամն օգնել է վճարել նաև օգոստոս ամսվա վարձավճարը, ասաց Տաշիրի համայնքապետարանի սոցիալական հարցերի բաժնի պետ Ասյա Հարությունյանը։

Նա նշեց, որ մինչև 2024 թվականի դեկտեմբեր ապրանքատեսակներ կբաժանվեն Տաշիր համայնքի ավելի քան 20 բնակավայրերում բնակվող արցախցի յուրաքանչյուր ընտանիքի։ Իսկ ֆոնդը վարձավճարի վերաբերյալ որոշում է կայացնում ամսական կտրվածքով. 2023 թվականի հոկտեմբերից մինչև 2024 թվականի օգոստոսը հիմնադրամի ծրագրով համայնք եկած ընտանիքների համար հիմնադրամը վճարում է բնակարանների ամսական վարձավճար, իսկ նրանք մեծամասնություն են կազմում։

Ալվարդ Գրիգորյան