Արման Եղոյանը երազում Ալմաթի թզենու տերեւ է տեսնում
- 18:43 05.09.2024
Ադրբեջանիցները բոլոր հարթակներում ամեն ինչ անում են Ալմաթիի հռչակագրից խուսափելու համար: Այս մասին, այսօր՝ սեպտեմբերի 5-ին, լրագրողների հետ զրույցում հայտարարեց ՀՀ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը:
“Դա մեզ ձեռնտու է, որովհետեւ Ալմաթիի հռչակագիրը ֆիքսում է ԽՍՀՄ փլուզման պահին եղած սահմանները: Ենթադրում եմ՝ Ադրբեջանը չի ցանկանում որեւէ սահման ֆիքսել, իսկ մենք ցանկանում ենք այդ սահմանները ֆիքսել”:
Ինչո՞ւ է ՔՊ-ն երազում ֆիքսել խորհրդային սահմանները։ Կարծիք կա, որ Ուկրաինային եւ Վրաստանին է “լավություն անում”, սակայն ակնհայտ է, որ Ալմաթին՝ ՀՀ կառավարության միակ թզենու տերեւն է, որով նա կարող է թաքցնել ամոթը։ Գոնե մի բանով պետք է թաքցնել ՔՊ-ի տենչն՝ ամեն գնով ազատվել Արցախից։ Հազիվ գտել են մի փաստաթուղթ։