Լուկաշենկոն հայտարարել է «շատ խելացի հայերի» մոտալուտ երջանկության մասին
- 10:18 13.09.2024
Բելառուսի նախագահ Ալեքսանդր Լուկաշենկոն ասել է, որ «կողմնակից է Հայաստանի հետ լավ հարաբերություններ պահպանելուն»։ Այս մասին նա հայտարարել է Բելառուսում բնակվող տարբեր ազգությունների ներկայացուցիչների հետ հանդիպմանը, փոխանցում է ԲԵԼՏԱ-ն։
«Մենք ամեն կերպ փորձել ենք օգնել հայերին, համագործակցել ենք ինչպես ամենամոտ մարդկանց հետ, ամեն կերպ օգնել ենք։ Բայց, տեսեք, ուզում են գնալ Արևմուտք՝ ԵՄ»։
«Վաղը Ամերիկայում իշխանության կգա նոր ղեկավարություն, նույնիսկ հին-նոր (Քամալա Հարիսը և այլն), տեսեք, քաղաքականությունը բոլորովին այլ է լինելու։ Նրանց սովորությունն է. «Ո՞վ ես դու. մենք ձեզ չենք ճանաչում»: «Ո՞նց, չգիտե՞ք, մենք ձեզ հետ ընկերներ ենք եղել, դուք մեզ զենք եք մատակարարել…» «Ոչ, դա մենք չէինք», – Լուկաշենկոն բերեց ԱՄՆ-ում հաղորդակցության իր օրինակը: – Դա իրենց քաղաքականությունն է։ Եվ ես այս մասին անընդհատ ասել եմ ձեր ղեկավարությանը։ Ես արդեն հին մարդ եմ քաղաքականության մեջ։ Չի կարելի նրանց վստահել»:
«Հայերը շատ խելացի մարդիկ են։ Մոտ ապագայում նրանք կպարզեն, թե որտեղ է իրենց երջանկությունը»,- ասել է Լուկաշենկոն։
Ինչպիսի՞ «երջանկության» մասին է խոսում Լուկաշենկոն, որը շուտով կպարզեն հայերը։ Հիշեցնենք, որ Հայաստանի վարչապետը կմասնակցի այս տարվա հոկտեմբերին Կազանում կայանալիք BRICS-ի գագաթնաժողովին, մինչդեռ Հայաստանը բանակցություններ էր սկսել ԵՄ-ի հետ վիզային ռեժիմի պարզեցման շուրջ՝ չհայտարարելով ԵՄ-ին անդամակցելու իր մտադրության մասին։ Հայաստանում «թեժ աշուն» է սպասվում։