Վերջին հայ թագավորը Ֆրանսիայում է թաղված

Ֆրանսիայի Եվրոպայի և արտաքին գործերի նախարար Ստեֆան Սեժուրնեն՝ Հայաստան կատարելիք այցին ընդառաջ ուղերձ է հրապարակել։ 

«Ֆրանսիան կանգնած է պատմական գործընկեր, բարեկամական երկիր Հայաստանի կողքին, և մեր աջակցությունը նրա անկախությանը, տարածքային ամբողջականությանը և խաղաղության ձգտումներին անսասան է։

Հայաստանի հետ մեր համագործակցությունն ամուր է, և մենք այն ամրապնդում ենք։ Մենք աջակցում ենք Հայաստանի ռազմավարական ենթակառուցվածքների զարգացմանը՝ երկրի դիմակայունությունն ապահովելու համար։ Մենք համագործակցում ենք նաև պաշտպանության ոլորտում։ «Ֆրանսիա-Հայաստան» նախաձեռնությամբ մենք պաշտպանում ենք նրանց, որոնք ներգրավված են Հայաստանին աջակցելու գործում»,- հայտարարել է Ֆրանսիայի արտաքին գործերի նախարարը։

Անդրադառնալով Հայաստան և Մոլդովա կատարելիք այցերին՝ Սեժուրնեն ասել է, որ այցելում է հենց Հայաստան ու Մոլդովա, որովհետև նրանք ընտրել են ժողովրդավարության ու անկախության ուղին, ճանապարհը դեպի Եվրոպա, որոնք բախվում են ապակայունացման փորձերի ու անընդունելի ճնշումների:

Հիշեցնենք, որ հայոց թագավորության վերջին տիրակալը կիլիկյան գահ է բարձրացել 1373թ.։ Արդեն 1375 թվականին Մամլուքների արշավանքը կործանեց թագավորությունը, և ինքն էլ գերվեց։ Լեւոն V-ին աքսորեցին Կահիրե եւ արգելեցին հեռանալ Եգիպտոսից։ 1382 թվականին իր խոստովանահոր և դեսպան ֆրանցիսկացի Ժան Դարդելի ջանքերով, Կաստիլիայի թագավոր Խուան I-ի աջակցությամբ, նա ազատ արձակվեց և տեղափոխվեց Մադրիդի նահանգ, որի իրավունքներն իրեն փոխանցեց Կաստիլիայի թագավորը։ Սակայն երեք տարի անց տեղի ազնվականության հակառակության պատճառով ստիպված է եղել հեռանալ Մադրիդից։ Նա տեղափոխվել է Արագոն, ապա Ֆրանսիա, որտեղ մահացել է 1393 թ.։ Թաղվել է Փարիզի մոտ գտնվող Սեն Դենի բազիլիկում։