Փաշինյանն ու Բագրատ սրբազանը «այո» են ասում Անկախության հռչակագրի խախտմանը

Այսօր Հայաստանի Անկախության օրն է․ 33 տարի առաջ այդ օրը խախտվել է 1989-ի ՀՀ Անկախության հռչակագիրը, այդ թվում՝ 1989-ի Արցախի եւ Հայաստանի վերամիավորման մասին որոշումը, եւ անկախության հանրաքվե է անցկացվել միայն ՀԽՍՀ տարածքում։ Մի քանի ամիս անց Արցախի տարածքում ստիպված էին առանձին հանրաքվե անցկացնել։

Հայաստանի գործող Սահմանադրությունը հղում է անում հենց 1990-ի Հռչակագրին, այդ թվում՝ 1989 թ․ որոշմանը։ Այդ մասին խոսում է Ալիեւը, որն ամենօրյա ռեժիմով հիշեցնում է՝ Արցախը Հայաստան է, եւ վերջ։

Այսօր Նիկոլ Փաշինյանը եւս խոսել է 29,9 քառ․կմ տարածքում անկախության մասին։

«Մենք 1991 թվականի «այո»-ն վերահաստատելու խնդիր ունենք: Այս մասին ասել է նաեւ Բագրատ Սրբազանը՝ անկախության օրվան նվիրված իր ուղերձում:

«Ես շատ հուսով եմ, որ մեր հանրության ճնշող մեծամասնությունը ասելու է, որ ինքը ցանկանում է, փափագում է ունենալ եւ պահպանել 1991 թվականին արյունով վերագտած ազատությունն ու անկախությունը», ասել է սրբազանը:

Սրբազանը եւ նրան աջակցող ուժերի մեծ մասը «այո» չեն ասում 1989-ի որոշմանը եւ իրական Հայաստանին, որի արցախյան մասն այսօր օկուպացված է։

Սա է իրական Հայաստանը․ նույնիսկ եթե դուք վախենում եք դա ասել, Ալիեւը ձեզ հիշեցնում է։