Ֆրանսիայի նոր կառավարության կազմում երեք հայազգի նախարար կա
- 12:03 22.09.2024
Ֆրանսիայի նախագահ Էմանուել Մակրոնի աշխատակազմը հայտարարել է նոր կառավարության կազմը, նրանց թվում երեք հայազգի նախարար կա։
Աստրիդ Փանոսյան-Բուվեն նշանակվել է աշխատանքի և զբաղվածության նախարար, Գիյոմ Կասբարյանը՝ քաղաքացիական ծառայության, պետական գործունեության պարզեցման և վերափոխման, իսկ Անտուան Արմանը՝ էկոնոմիկայի, ֆինանսների և արդյունաբերության նախարար։
Ակնկալվում է, որ վարչապետ Միշել Բարնիեի փորձը եվրոպական հարցերում և բյուջեի կառավարման ոլորտում առանցքային կլինի Եվրահանձնաժողովի հետ Ֆրանսիայի դեֆիցիտների շուրջ բանակցություններում:
Գիյոմ Կասբարյանը Ֆրանսիայի խորհրդարանի պատգամավոր է, այդ պաշտոնը զբաղեցնում է 2017 թվականից։ Նա բնակարանային բարեփոխումների և փոքրամասնությունների իրավունքների ակտիվ կողմնակիցն էր: Կասբարյանը հայ համայնքի հետ ակտիվ կապի մեջ է։
33 տարեկան Անտուան Արմանն ամենաերիտասարդներից մեկն է, որ զբաղեցնում է ֆինանսների նախարարի առանցքային պաշտոնը: Տնտեսագիտության և ֆինանսների բնագավառում աշխատելով՝ նա նախկինում զբաղեցրել է Ազգային ժողովի Տնտեսական հարցերի հանձնաժողովի նախագահ։
Երեք նախարարներն էլ նախագահ Մակրոնի կուսակցության անդամներ են։
Բացի այդ, Ֆրանսիան ունի նոր արտգործնախարար՝ Ժան-Նոել Բարոն, իսկ Սեբաստյան Լըկորնյուն շարունակելու է զբաղեցնել Զինված ուժերի և վետերանների գործերի նախարարի պաշտոնը։
Բրունո Ռետայոն կղեկավարի Ներքին գործերի նախարարությունը։ Նա Ֆրանսիայի վարչապետի հետ Հայաստան և Արցախ է այցելել։ Հայկական հարցերի շուրջ իրենց դիրքորոշումների և այցերի պատճառով և՛ Ռետայոն, և՛ Ֆրանսիայի վարչապետը Ադրբեջանում համարվում են պերսոնա նոն գրատա։