Լիբանանը կարող է պատերազմի դաշտ դառնալ. Իսրայելն ու Իրանը զորքեր են մտցնում
- 13:43 29.09.2024
Իսրայելը մերժել է հրադադարի մասին ԵՄ առաջարկը, նույնիսկ ժամանակավոր, և պատրաստվում է «սահմանափակ ներխուժման» Լիբանան: Այս մասին ասվում է ABC News-ի նյութում, որը հղում է անում ԱՄՆ-ի բարձրաստիճան պաշտոնյայի խոսքերին։
Մինչ այս Իրանը հայտարարել էր Իսրայելի դեմ պայքարելու համար իր զորքերը Լիբանան ուղարկելու հնարավորության մասին։
ԱՄՆ-ի և Իսրայելի գնահատականներով վերջին շաբաթներին սպանվել են Հեզբոլլահի մոտ 30 բարձրաստիճան ղեկավարներ, և խմբավորման մնացած առաջնորդները վախենում են, որ իրենց շարքերում լրտեսներ կան:
Իսրայելական բանակը գիշերը և շաբաթ առավոտյան հարձակվել է Հեզբոլլահի ավելի քան 140 թիրախների վրա։ Իսրայելը կոտրել է նաև Բեյրութի օդանավակայանի կառավարման աշտարակը, որպեսզի թույլ չտա իրանական մարդատար ինքնաթիռի վայրէջքը Լիբանանի մայրաքաղաքում։
Այսօր իսրայելական ուժերը շարունակեցին ավիահարվածները՝ պնդելով, որ թիրախը բացառապես «Հեզբոլա»-ի հրամանատարական և ռազմական հենակետերն են։
«Իսրայելցի հանցագործները պետք է իմանան, որ իրենք չափազանց փոքր են՝ Լիբանանում «Հեզբոլա»-ի հենակետերին որևէ զգալի վնաս պատճառելու համար», – հայտարարել է Իրանի գերագույն առաջնորդ այաթոլլա Ալի Խամենեին։
Միաժամանակ Reuters-ը, վկայակոչելով իր աղբյուրները հայտնել է, որ Նասրալլայի սպանության լուրերի ֆոնին Խամենեին տեղափոխվել է ավելի անվտանգ վայր, ուժեղացված անվտանգության պայմաններում։