Նասրալլայի զարմիկը՝ «Հեզբոլլա»-ի նոր ղեկավար
- 10:09 30.09.2024
Լիբանանյան «Հեզբոլլա» խմբավորումը կազմակերպության նոր գլխավոր քարտուղար է ընտրել Հաշեմ Սաֆի ադ-Դինին, հայտնում են արաբական լրատվամիջոցները։
Ադ-Դինը 60 տարեկան է։ Նա «Հեզբոլլա»-ի համահիմնադիրներից է, եղել է գործադիր կոմիտեի ղեկավարը։ Նրան համարում են «Հեզբոլլա»-ի գործերի կառավարիչ։ Մինչ խմբի ղեկավար ընտրվելը նա զբաղվում էր խմբավորման ֆինանսական հարցերով։ Ադ-Դինը 2017 թվականից ԱՄՆ-ի կողմից հետախուզվող ահաբեկիչների ցուցակում է։
Նա «Հեզբոլլա»-ի սպանված առաջնորդ Հասան Նասրալլայի զարմիկն է մայրական կողմից և Իսլամական հեղափոխության պահապանների կորպուսի ստորաբաժանումներից մեկի նախկին հրամանատար Ղասեմ Սոլեյմանի փեսան։ Սոլեյմանը սպանվել է 2020-ի սկզբին Իրաքում ԱՄՆ ավիահարվածից։