«Սոֆիստիա» ՔՊ-ից. պատերազմից խուսափելու համար խաղաղության պայմանագիր է պետք, բայց «պայմանագրից» հետո Բաքուն կարող է հարձակվել

Առանց Դալի գլուխ չենք հանի

Ռազմական էսկալացիաների վտանգ միշտ լինելու է, քանի դեռ Հայաստանի և Ադրբեջանի միջև խաղաղության պայմանագիր չի ստորագրվել, հայտարարում է Հայաստանի փոխարտգործնախարարը։ Արդյոք խաղաղության համաձայնագրի կնքումը կբացառի պատերազմի հնարավորությունը, Վահան Կոստանյանը դրական պատասխան չի տալիս. – «Դա հավելյալ կերպով մեծացնելու է կայունության հնարավորությունները Հարավային Կովկասում»:

Իսկ կառավարող «Քաղպայմանագիր» խորհրդարանական խմբակցության քարտուղար Արթուր Հովհաննիսյանը վստահ չէ, որ «խաղաղության պայմանագրի» ստորագրումից հետո Բաքուն չի որոշի փորձել հարձակվել Հայաստանի վրա։

«Քաղաքացիական պայմանագրի» «սոփիզմը» հանգեցնում է այն եզրակացության, որ Բաքուն կարող է ստորագրել «խաղաղության պայմանագիրը» և անմիջապես հարձակվել։