Երևանում կայացել է արցախցի լուսանկարիչ Վլադիմիր Գևորգյանի Շուշի լուսանկարների ցուցահանդեսը

Երևանում կայացել է արցախցի լուսանկարիչ Վլադիմիր Գևորգյանի <<Պիցրանանք Շուշի>> խորագրով լուսանկարների ցուցահանդեսը, որին ներկայացվել են հինավուրց բերդաքաղաք Շուշին պատկերող 45 լուսանկարներ։ Ցուցահանդեսը նախաձեռնել է Համազգային հայ կրթական և մշակութային միությունը՝ ՀՅԴ Արցախի երիտասարդական միության, ՀԱՍԵ Արցախի թեմի և ՀԲԸՄ-ի աջակցությամբ։

Համազգայինի Արցախի գրասենյակի տնօրեն Հերմինե Ավագյանը, ողջունելով ներկաներին, նշել է, որ ցուցահանդեսն առհավատչյան է նրա, որ արցախցիներն ապրում են Արցախով։ Հոգով, մտքով շարունակում են հասնել Արցախ ու բարձրանալ Շուշի։

Իրենց կարծիքներով ու շնորհավորական խոսքերով հանդես են եկել պատմական գիտությունների դոկտոր, պրոֆեսոր Վահրամ Բալայանը, զոհված որդիների հայր Միքայել Հաջյանը։ Ցուցահանդեսը կգործի նաև նոյեմբերի 11-ին, Մելիք Ադամյան 2/2 հասցեում։