Թրամփի որդին գրել է, որ Զելենսկին շուտով կզրկվի «նպաստից»
- 18:03 11.11.2024
DW
ԱՄՆ ընտրված նախագահի ավագ որդին՝ Դոնալդ Թրամփ կրտսերը, հանդես է եկել Ուկրաինային տրամադրվող ռազմական աջակցության ֆինանսավորման կրճատման վերաբերյալ մեկնաբանությամբ։ Նա Instagram-ում տեղադրել է տեսանյութ, որի վրա գրել է. «POV (անգլերենից՝ Point of view, Պատկերացրու)՝ 38 օրից դու կզրկվես քո նպաստից»։
Տեսանյութի հիմքում եղել է ԱՄՆ Հանրապետական կուսակցության նախկին փոխնախագահի թեկնածու Սառա Փեյլինի հրապարակած տեսանյութը։ Դրանում երևում է, թե ինչպես է Դոնալդ Թրամփը կանգնած Ուկրաինայի նախագահ Վլադիմիր Զելենսկու կողքին։ Տեսախցիկը կենտրոնանում է Զելենսկու խոժոռ դեմքին, կադրն աստիճանաբար դառնում է սև-սպիտակ, վերևից սկսում են ընկնել դոլարի թղթադրամներ, իսկ հետո հայտնվում է Թրամփ կրտսերի գրությունը։
38 օրից, դեկտեմբերի 17-ին, ընտրիչները իրենց նահանգներում կվավերացնեն ԱՄՆ նախագահի և փոխնախագահի ընտրության արդյունքները։