Այսօր, ՄԱԿ գրասենյակի դիմաց․ ինչպե՞ս կարելի է СОР29-ը Բաքվում անցկացնել
- 11:07 15.11.2024
Նոյեմբերի 15-ին, ժամը 16:00-ին ՄԱԿ-ի Հայաստանի գրասենյակի դիմաց (Պետրոս Ադամյան փողոց 14, Երևան, Հայաստան) տեղի կունենա բողոքի ակցիա («Stop Greenwashing Genocide!»), որի ավարտին նամակ ենք հանձնելու ՄԱԿ-ի հայաստանյան ներկայացուցչությանը։
Միջոցառմանը ներկա կլինի նաև էկոակտիվիստ @ Greta Thunberg Գրետա Թունբերգը, որը հրաժարվել է մասնակցել COP29-ին՝ Ադրբեջանում անցկացման պատճառով:
Բողոքի ակցիան կազմակերպվել է ՄԱԿ-ի այն որոշմանը ի պատասխան, որը COP29 համաժողովի անցկացման վայրը նշանակել է Ադրբեջանը՝ չնայած այն մտահոգություններին, որոնք առկա են Լեռնային Ղարաբաղի (Արցախի) ժողովրդի նկատմամբ Ադրբեջանի շարունակական ագրեսիայի, ինչպես նաև Ալիևի ռեժիմի ավտորիտար քաղաքականության, բռնաճնշումների և հայատյաց հռետորաբանության կապակցությամբ։