Ամռան շոգին առանց ջրի՞

Օրեր շարունակ Ստեփանակերտի որոշ թաղամասեր զրկված էին ջրից: Այս խնդիրը քաղաքապետարանը փորձել է լուծել տվյալ թաղամասերում ջրի տարաներ տեղադրելով, սակայն բնականաբար այս շոգին դա չի կարող կոմպիսացնել ջրի բացակայությունը:

Այսօր Արցախի Ջրմուղկոյուղի կազմակերպությունը հայտարարություն է տարածել, որտեղ հորդորել էր բնակիչներին ջուրը օգտագործել խիստ անհրաժեշտության դեպքում, հակառակ դեպքում ստիպված կլինեն դադարեցնել ջրամատակարարումը:

Հայտարարությունը մի շարք հարցեր է առաջացրել հասարակության շրջանում, մասնաորապես ինչպես որոշել, թե որն է ջրի խիստ անհրաժեշտությամբ օգտագործումը, երբ ողջ բնակչությունը գտնվում է խիստ խնայողության ռեժիմում:

Ըստ Ստեփանակերտի բնակիչ Ս.Բ-ի, նա չի պատկերացնում, թե որն է ջրի խիստ անհրաժեշտության օգտագործումը, երբ ամառ է, չկա տրանսպորտ և նաև պակասում են տարրական հիգիենայի պարագաները։ Նման պարագայում միակ փրկությունը հենց ջուրն է: