Լոնդոնն ու Փարիզը քննարկում են Ուկրաինա խաղաղապահներ ուղարկելու հարցը
- 15:42 16.01.2025
Մեծ Բրիտանիայի վարչապետ Քիր Սթարմերը և և Ֆրանսիայի նախագահ Էմանուել Մակրոնը քննարկում են բրիտանացի և ֆրանսիացի զինվորներ Ուկրաինա որպես խաղաղապահ զորակազմ ուղարկելու հնարավորությունը, եթե համաձայնություն ձեռք բերվի դադարեցնել պատերազմն Ուկրաինայում, չորեքշաբթի՝ հունվարի 15-ի երեկոյան, գրում է լոնդոնյան The Telegraph թերթը՝ վկայակոչելով աղբյուրները։
Հրատարակության աղբյուրների համաձայն՝ Մակրոնն ակտիվորեն առաջ է մղում այս գաղափարը և այն արդեն քննարկել է Ուկրաինայի նախագահ Վլադիմիր Զելենսկու և Լեհաստանի վարչապետ Դոնալդ Տուսկի հետ։ Դաունինգ սթրիթի և Ելիսեյան պալատի խոսնակները չեն հերքել տեղեկությունն այն մասին, որ Սթարմերը և Մակրոնը քննարկել են այդ հարցը անցյալ շաբաթ Մեծ Բրիտանիայի վարչապետի Չեկերսի նստավայրում կայացած հանդիպման ժամանակ։
Բանակցությունների մանրամասները մնում են գաղտնի, սակայն բրիտանական կառավարության մի քանի բարձրաստիճան աղբյուրներ ասում են, որ Սթարմերը դեռ լիովին չի համաձայնվել պլանին: «Շատ հարցեր կան այն մասին, թե ինչին կարող ենք աջակցել, և ավելի լայն հարց, թե ինչ սպառնալիքներ կարող են առաջանալ այդ զորքերի համար և արդյոք դա կընկալվի որպես էսկալացիա»,- The Telegraph-ին ասել է աղբյուրներից մեկը: