Միրզոյանը “չհիշեց” Շվեյցարիայի առաջարկը՝ Արցախի հարցով համաժողով անցկացնելու մասին

ԱԺ-կառավարություն հարց ու պատասխանի ժամանակ «Հայաստան» խմբակցության պատգամավոր Քրիստինե Վարդանյանը հիշեցրեց, որ Շվեյցարիայի արտաքին հարաբերությունների հանձնաժողվոը կողմ է քվեարկել արցախահայերի վերադարձի իրավունքի հետ կապված համաժողով կազմակերպելուն։ Մեկ ամիս առաջ՝ դեկտեմբերին էլ ստորին պալատն էր քվեարկել կողմ։

«Մեկ ամիս առաջ Շվեյցարիայի արտաքին գործերի նախարարը հայտարարել էր, որ Հայաստանը եւ Ադրբեջանը պաշտոնապես դեմ են արտահայտվել նման համաժողովի ստեղծմանը, կպարզաբանե՞ք՝ ինչո՞ւ եք դեմ արտահայտվել»,- ՀՀ ԱԳ նախարար Արարատ Միրզոյանին դիմեց Քրիստինե Վարդանյանը։

Արարատ Միրզոյանը ձեւացրեց, թե չի հասկանում՝ ի՞նչ համաժողովի մասին է ոխսքը։ «Ես առաջարկ ունեմ՝ եկեք պայմանավորվենք, որ հրապարակավ եւ գործընկերների, եւ քաղաքացիների ներկայությամբ այս հարցին կանդրադառնանք։ Մի հատ թույլ տվեք, հասկանամ՝ ինչ համաժողով, լավ չեմ հասկանում։ Մի հատ տեսնեմ ինչի մասին է խոսքը, հաջորդ հարցուպաասխանի ժամանակ կվերադառնանք»,- ասաց Միրզոյանը։