Բազեյան․ «Իշխանափոխությունից հետո հզորացնելու ենք մեր բանակը եւ ազատագրելու ենք Արցախը»
- 11:24 28.01.2025
«Մենք երբեք չենք հանձնվելու, իշխանափոխությունից հետո հզորացնելու ենք մեր բանակը եւ ազտաագրելու ենք Արցախը»,-Եռաբլուր պանթեոնում լրագրողներին ասաց «Հայոց աշխարհազոր» ռազմաքաղաքական միավորման ղեկավար Ալբերտ Բազեյանը։
Նրա խոսքով՝ Արցախը հազարամյակներով եղել է հայկական, ընդամենը 70 տարի է եղել Ադրբեջանի կազմում։ «1921 թվականին Լենին-Աթաթուրք համաձայնագրով Արցախն ու Նախիջեւանը թողնվել են Ադրբեջանի կազմում, իսկ 1991 թվականի Արցախը ԽՍՀՄ սահմանադրության եւ բոլոր օրենքներին համապատասխան հայտարարել է Ադրբեջանից իր անկախության մասին։ Թուրքերն սկսել են պատերազմ, մենք հաղթել ենք այդ պատերազմում, 1994ն թվականին կնքվել է զինադադարի պայմանագիր»,- ասաց նա։
Ըստ Բազեյանի՝ կան տվյալներ, որ Նիկոլ Փաշինյանն Ալիեւի հետ պայմանավորվել է, որ Ադրբեջանը հարձակվի Արցախի վրա, ինքը՝ որպես հայկական զինված ուժերի գերագույն գլխավոր հրամանատար, այնպես անի, որպեսզի մենք պարտություն կրենք, որպեսզի ինքն Արցախը հանձնի թուրքին։ Սա ոչ այլ ինչ է, քան դավաճանություն, հավելեց Բազեյանը։