Թրանփին առաջարկում են օգտագործել Բաքու-Երուսաղեմ կապերը Իրանի դեմ

Իսրայելի եւ Ադրբեջանի միջեւ ռազմավարական գործընկերությունը կարող է շահավետ լինել ոչ միայն Մերձավոր Արեւելքի, այլեւ Եվրասիայում Ամերիկայի ավելի լայն ռազմավարական առաջնահերթությունների համար, գրել է The National Interest-ը։

Թրամփի Սպիտակ տունը պետք է դուրս գա ստանդարտ մտածողությունից: Եվ պետք չէ շատ հեռուն նայել՝ ճանաչելու համար այն դերը, որը կարող է խաղալ Ադրբեջանը: Դա մուսուլմանական մեծամասնություն ունեցող երկիր է, որը զգալի սահման ունի Իրանի հետ: Այն բաժանում է Իրանը Ռուսաստանից, որն ակտիվորեն զարգացնում է հյուսիս-հարավ առեւտրային միջանցքը։ Բաքվի նավահանգիստը նաեւ հիմնական առեւտրային դարպաս է Կենտրոնական Ասիայից Արեւելք-Արեւմուտք առեւտրի համար, գրում է The National Interest-ը:

Հիմնական պահը, որը պետք է նշել, այն է, որ խողովակաշարով նավթի մատակարարումներն Իսրայել մնացել են անխափան Գազայի տասնհինգ ամիս տեւած պատերազմի ընթացքում, գրում է The National Interest-ը:

Ամերիկայի շահերից է բխում սերտ հարաբերություններ զարգացնել ադրբեջանցիների հետ՝ ավելի լայն տարածաշրջանում ուժերի հավասարակշռություն պահպանելու համար, հատկապես երբ Թուրքիայի եւ Արաբական ծոցի երկրների հավասարակշռությունը դառնում է ավելի կարեւոր: