Անկայուն եղանակը հանրապետությունում կպահպանվի մինչև ապրիլի 12-ը
- 10:19 08.04.2025
Հայաստանի ողջ տարածքում սպասվում է անձրև և ամպրոպ, հայտնում է Հիդրոմետոլոգիայի և մոնիտորինգի կենտրոնը։ Անկայուն եղանակը հանրապետությունում կպահպանվի մինչև ապրիլի 12-ը:
Լեռնային շրջաններում տեղումները տեղ-տեղ կլինեն թաց ձյան տեսքով։
Օդերևութաբանները նաև զգուշացնում են ապրիլի 8-ից 10-ը քամու հնարավոր արագության, պոռթկումների՝ 20-25 մ/վրկ արագության մասին։
Ապրիլի 8-ի տվյալներով՝ օդի ջերմաստիճանը կլինի.
— Շիրակում մինչև +13°,
— Կոտայքում և Լոռիում՝ մինչև +16°,
— Գեղարքունիքում մինչև +14°,
— Տավուշում՝ մինչև +20°,
— Արագածոտնում մինչև +18°,
— Արարատում՝ մինչև +21°,
— Արմավիրում՝ մինչև +19°,
— Վայոց ձորում՝ մինչև +22°,
— Սյունիքում մինչև +28°։
Երեւանում ապրիլի 8-ին հնարավոր է նաեւ կարճատեւ անձրեւ, մայրաքաղաքում օդի առավելագույն ջերմաստիճանը սպասվում է +19°։