Վատ եղանակը կպահպանվի մինչև ապրիլի 14-ը. որտեղի՞ց են ցեխային անձրևները
- 10:34 10.04.2025
Հայաստանի ողջ տարածքում սպասվում է անձրև և ամպրոպ, հայտնում է Հիդրոմետոլոգիայի և մոնիտորինգի կենտրոնը։ Վատ եղանակը կպահպանվի մինչև ապրիլի 14-ը, լեռնային շրջաններում տեղումները կարող են վերածվել թաց ձյան։
Ապրիլի 9-ից 11-ը սպասվում է քամու ուժգնացում՝ պոռթկումներով մինչև 18–22 մ/վրկ։
Օդի ջերմաստիճանը ապրիլի 10-ին կլինի.
– Շիրակում, Լոռիում և Տավուշում՝ մոտ +14°С,
– Կոտայքում՝ մինչև +16°С,
– Գեղարքունիքում՝ մոտ +12°С,
– Արագածոտնում մինչև +17°С,
– Արարատում և Արմավիրում՝ մինչև +22°С,
– Վայոց ձորում՝ մոտ +21°С,
– Սյունիքում՝ մինչև +23°С։
Երեւանում ապրիլի 10-ին սպասվում է կարճատեւ անձրեւ, մայրաքաղաքում առավելագույն ջերմաստիճանը կհասնի +18°C։
«Հիդրոօդերևութաբանության և մոնիթորինգի կենտրոն» ՊՈԱԿ-ից հայտնում են, որ երեկ հանրապետության տարածքում գործող ցիկլոնը դուրս գալով Միջերկրական ծովից, տեղափոխվեց Իրաք, այնտեղից՝ դեպի Կովկաս:
Մթնոլորտի նման շրջանառության արդյունքում, հարավային հոսանքները Իրաքի անապատներից դեպի մեր երկիր տեղափոխեցին փոշու մեծ կոնցենտրացիա ունեցող օդ, ինչի արդյունքում շրջանների մեծ մասում տեղացին այսպես կոչված «ցեխային անձրևներ»: