Օկուպացված Քարվաճառում ավտովթարի հետեւանքով Թուրքիայի քաղաքացիներ են մահացել
- 12:51 25.08.2023
Մահվան ելքով ճանապարհատրանսպորտային պատահար է տեղի ունեցել Ադրբեջանի կողմից օկուպացված Քարվաճառում։
Տեղական ԶԼՄ-ների հաղորդմամբ՝ վթարը տեղի է ունեցել Օմարի լեռնանցքի հատվածում։ Mitsubishi մակնիշի մարդատար ավտոմեքենան, կորցնելով կառավարումը, դուրս է եկել ճանապարհից եւ ընկել ձորակը, ինչի հետեւանքով երկու մարդ մահացել է, մեկը՝ ստացել վնասվածքներ։
Նրանք բոլորը Թուրքիայի քաղաքացիներ են: Վթարի հետեւանքով զոհվել են Ի. Ջերգյուլօղլուն (ծնված 1977թ.) եւ Ս. Չելիքը (ծնված 1995թ.), տուժել է Մ. Օկումուշը (ծնված 1993թ.)