Պուտինը Վոլգոգրադի օդանավակայանը վերանվանել է «Ստալինգրադ»
- 19:52 30.04.2025
Ռուսաստանի նախագահ Վլադիմիր Պուտինը հրամանագիր է ստորագրել «Վոլգոգրադի միջազգային օդանավակայանին «Ստալինգրադ» պատմական անվանումը շնորհելու մասին», երեքշաբթի՝ ապրիլի 29-ին, հայտնել է Կրեմլի մամուլի ծառայությունը։ Դրանից կարճ ժամանակ առաջ ռուսական լրատվական գործակալությունները հայտնել էին, որ Պուտինը աջակցել է Վոլգոգրադի Գումրակ օդանավակայանը «Ստալինգրադ» անվանակոչելու գաղափարին։
Հաղորդագրություններում ասվում էր, որ սա «Վոլգոգրադի մարզի բնակիչների, վետերանների համայնքի, ինչպես նաև “ՍՎՕ”-ի մասնակիցների» խնդրանքն էր։