Բարեփոխում․ ինչպես Գերմանիայո՞ւմ, թե՞ Բուրունդիում
- 11:17 08.05.2025
ՀՀ ՆԳՆ միգրացիայի և քաղաքացիության ծառայության պետ Նելլի Դավթյանի կիսված այս նյութի նկարը ֆեյսբուքի ֆիդում տեսնելով, կարծեցի, թե Գերմանիա ինչ-որ տեղ է, մինչեւ վերնագիրը կարդացի «ՆԳՆ շրջիկ սպասարկման գրասենյակները մայիսի 8-ին ծառայություններ կմատուցեն Տավուշի և Շիրակի մարզերում»
Նյութում նշվում է նաեւ, որ շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, տեղեկանքներ, իսկ ԼՂ-ից տեղահանված անձինք ՀՀ քաղաքացիություն ստանալու համար կարող են տեղում դիմումներ ներկայացնել։
Միայն չեն բացատրում, թե ինչի՞ համար արցախցին պետք է ՀՀ անձնագիրը փոխանակի ՀՀ մեկ այլ անձնագրով։
Ի՞նչ խոսք, ուրախալի է, եթե մարդկանց կյանքը մի քիչ հեշտանալու է: Ինձ համար շոկային էր անցյալ տարի մտնել Աբովյան քաղաի անձնագրային բաժին: Ստորացած ղարաբաղցիներ, դպրոցական տետրում գրիչով ցուցակ, որ գիշերն էին կազմում (պատկերացնո՞ւմ եք, գիշերը պետք է գնալ անձնագրային բաժին), իսկեւիսկ բլոկադայի հացի հերթերը, որ բոլոր ղարաբաղցիներին միանգամից դա էր հիշեցնում:
Բայց ի՞նչն է հետաքրքիր Հայաստանանում. այսպես ֆեյսբուքում ամեն ինչ «գերմանական» է (չեմ ուզում փնովել հենց այս բարեփոխումը, գուցե այն իրոք հաջողած է), իսկ երբ գետնի վրա ես առնչում գործին, պարզվում է՝ Բուրունդի ինչ-որ մի տեղ ես:
Տրանսպորտն՝ ամենավառ օրինակն է: Նոր ավտոբուսներ, QR քոդ, փաթեթ եւ այլն, բայց պարզվում է սուզանավը ծակվել է: Դե իհարկե, եղանակային պայմաններն են մեղավոր:
Մարութ Վանյան