CNN-ը հաղորդում է, որ Իսրայելը պատրաստ է հարվածել Իրանի միջուկային օբյեկտներին
- 08:32 21.05.2025
ԱՄՆ հետախուզական ծառայությունները ենթադրում են, որ Իսրայելը պատրաստվում է հարվածել Իրանի միջուկային օբյեկտներին, թեպետ Թրամփի վարչակազմը ձգտում է դիվանագիտական համաձայնության Թեհրանի հետ, հաղորդում է CNN-ը՝ հղում անելով իր աղբյուրներին։
Հայտնի չէ՝ արդյոք Իսրայելի իշխանությունները վերջնական որոշում կայացրե՞լ են, ընդգծեցին զրուցակիցները։ Սպիտակ տունը նույնպես կոնսենսուս չունի Իսրայելի գործողությունների վերաբերյալ, ասել են աղբյուրները՝ հավելելով, որ նրանք կարծում են, որ Թել Ավիվի գործողությունները կախված կլինեն ԱՄՆ-Իրան միջուկային բանակցությունների առաջընթացից։
«Վերջին ամիսներին Իսրայելի կողմից Իրանի միջուկային օբյեկտին հարված հասցնելու հավանականությունը զգալիորեն աճել է», – CNN-ին ասել է հետախուզությանը ծանոթ պաշտոնյան։ Նա ասաց, որ Վաշինգտոնի և Թեհրանի միջև համաձայնագրի հեռանկարը, որի համաձայն Իրանը չի հրաժարվի ուրանի հարստացումից, «մեծացնում է հարվածի հավանականությունը»։