ՀՀ ԱԳ նախարար Արարատ Միրզոյանը հանդիպում է ունեցել ՅՈՒՆԵՍԿՕ-ի գլխավոր քարտուղար Օդրի Ազուլեի հետ։ Այս մասին տեղեկացնում են ՀՀ ԱԳՆ-ից:
Զրուցակիցները քննարկել են ՅՈՒՆԵՍԿՕ-ի շրջանակներում Հայաստանի ակտիվ ներգրավվածությանը, ճգնաժամային իրավիճակներում մշակութային ժառանգության պաշտպանության և տարբեր ծրագրերի իրականացմանը վերաբերող հարցեր։
Անդրադարձ է կատարվել ԼՂ-ից բռնի տեղահանված հայերին աջակցության ծրագրերին։
Նախարար Միրզոյանը Հայաստանի և ՅՈՒՆԵՍԿՕ-ի միջև համագործակցության ամրապնդման և զարգացման, մարդասիրական արժեքների պաշտպանության գործում ներդրած նշանակալի ավանդի համար Օդրի Ազուլեին փոխանցել է Բարեկամության շքանշան, որով ՅՈՒՆԵՍԿՕ գլխավոր քարտուղարը պարգևատրվել է ՀՀ նախագահի հրամանագրով։
ԽՍՀՄ փլուզումից հետո, հատկապես 2020-2023 թվականների պատերազմից հետո, ՅՈՒՆԵՍԿՕ-ն չի այցելել Արցախ՝ մշակութային և պատմական հուշարձանների վիճակը գնահատելու համար, չնայած, որ բազմաթիվ փաստեր են հրապարակել հուշարձանների ոչնչացման մասին:
2023 թվականի նոյեմբերին՝ Արցախի բնիկ բնակչության արտագաղթից հետո, Բաքվի կողմից անընդունելի պայմաններ առաջադրվելուց հետո ՅՈՒՆԵՍԿՕ-ն հրաժարվել է այցելել օկուպացված տարածաշրջան: Այցելությունը մինչ օրս տեղի չի ունեցել: Կարելի է ենթադրել, որ Բարեկամության շքանշանը տրվում է ՅՈՒՆԵՍԿՕ-ի՝ կողքից նայելու քաղաքականության համար։