Հուլիսի 12-ի հանրահավաքը կտարբերվի կոշտությամբ, հստակ գործողություններով և ծրագրով
- 10:02 03.07.2025
Հուլիսի 12 ին Ազատության հրապարակում կայանալիք հանրահավաքը կտարբերվի նախորդից իր կոշտությամբ, հստակ գործողություններով և ծրագրով
Այս մասին Step1․am-ի հետ զրույցում ասել է Արցախի պետնախարար, Արցախցիների իրավունքների պաշտպանության խորհրդի անդամ Նժդեհ Իսկանդարյանը:
Նա նշել է, որ Խորհուրդը դիմելու է քաղաքապետարան՝ հանրահավաք անցակցվելու, նաև իրավապահներին՝ անվտանգությունը ապահովելու համար, որպեսզի խաղաղ հանրահավաքի ժամանակ սադրանքներ թույլ չտրվեն:
-Բնականաբար, մենք կատարելու ենք այն բոլոր գործընթացները, որոնք նախատեսված են օրենսդրությամբ՝ պահպանելով բոլոր ժամկետները: Պարտադիր համագործակցելու ենք նաև իրավապահների հետ, այդ թվում այն պատճոռով, որ սադրիչները հանրահավաքի նպատակը չտանեն այլ ուղղությամբ:
Իսկանդարյանը նշել է, որ պահանջագրում նշված բոլոր 12 կետերը արցախցիների անփոփոխ պահանջներն են, և առաջին կետը մնում է արցախցիների գլխավոր նպատակը։
«Սակայն, ցավոք սրտի, այսօր ամենահրատապ հարցը՝ սոցիալական խնդիրներն են, որոնց լուծման պարագայում արցախցիների արտագաղթը կնվազի։ Բայց դա չի նշանակում, որ մյուս հարցերից հրաժարում կլինի: Ուղղակի այս պահին արցախցիները գտվում են ծանր սոցիալական խնդիրների առաջ”:
Ալվարդ Գրիգորյան