Ռուսաստանը կհրաժարվի՞ Հարավկովկասյան երկաթուղուց

Սյունիքի ճանապարհի արտապատվիրակման հարցով հետաքրքրված են եւ ԱՄՆ-ն, եւ Եվրամիությունը։ Այս մասին այսօր հրավիրած ասուլիսում ասաց Նիկոլ Փաշինյանը։

«Հարց հնչեց՝ Միացյալ Նահանգները հեաքրքրվա՞ծ են, այո, հետաքրքրված են։ Մենք հետաքրքրվա՞ծ ենք ԱՄՆ հետաքրքրածությամբ, այո, հետաքրքրված ենք։ Բայց ես ձեզ մի բան ասեմ՝ միայն Միացյալ Նահանգները չեն հետաքրքրված, Եվրամիությունն էլ է հետաքրքրված։ Մենք ԵՄ հետաքրքրվածությամբ հետաքրքրվա՞ծ ենք, այո։ Ի՞նչ մոդելներ կարող են լինել․ կարող է լինել, օրինակ, հետեւյալ մոդելը, որ «Հարավկովկասյան երկաթուղու» դերի մեջ, օրինակ, կարող է լինել հայ-ամերիկյան համատեղ ձեռնարկություն»,- ասաց Փաշինյանը։

Նա նշեց, որ քննարկումներ ու առաջարիկներ կան այս հարցով, բայց դեռ վերջնական որոշում չկա։ Ասաց, որ ինչ էլ լինի, իրենք դա դիտարկում են ՀՀ տարածքային ամբողջականության, ինքնիշխանության ու իրավազորության շրջանակներում։

«Խաղաղության խաչմերուկը, որը մենք առաջարկել ենք, ոչ մեկի համար սահմանափակում չենք դրել, բայց կան բազմաթիվ հանգամանքներ, որոնք պետք է քմնարկվեն, եւ պետք է որոշում կայացնենք մեր շահերին համապատասխանելիության տեսակետից։ Հիմա այս պահին այդ առաջարկը արմերիկյան է, եւ մենք քննարկում ենք այդ առաջարկները, մենք հետաքրքրված ենք այդ առաջարկներով։ Կարո՞ղ է լինել համաձայնություն, կարող է լինել, հենց լինի, դրա մասին կտեղեկացնենք։ Եվրամիությունն էլ ունի հետաքրքրություն, եւ մենք վերջին այցի ընթացքում քննարկել ենք դա»,- ասաց նա։