Ռուսաստանում ծիծաղում են. ադրբեջանցիներին անվանել են ՌԴ հնագույն էթնիկ խումբ

Ռուսական լրատվամիջոցները բացահայտ իրոնիայով են հրապարակում ադրբեջանցի պաշտոնյաների հայտարարությունները։

Ադրբեջանի նախկին արտգործնախարար Թոֆիկ Զուլֆուգարովը, որը այս պաշտոնը զբաղեցրել է 1998-1999 թվականներին, ասել է, որ էթնիկ ադրբեջանցիները Դերբենտի ամենամեծ ազգային խմբերից մեկն են։

«Ռուսաստանի ամենահին քաղաքը Դերբենտն է։ Նրա բնակչության մոտ 40%-ը էթնիկ ադրբեջանցիներ են», – ասել է նախկին նախարարը (մեջբերում է Minval.az-ը)։

Զուլֆուգարովի խոսքով՝ Ռուսաստանի որոշ ներկայացուցիչներ անտեղի կոչեր են անում՝ «մեկնել իրենց Ադրբեջան»։ «Ի՞նչ են նրանք նկատի ունենում։ Ռուսաստանի հնագույն բնիկ բնակչությունը պետք է լքի՞ իր երկիրը», – հարցրել է նա։