Թրամփ. Ես հիանալի զրույց ունեցա հարգարժան Ալեքսանդր Լուկաշենկոյի հետ

ԱՄՆ նախագահ Դոնալդ Թրամփը հեռախոսազրույց է ունեցել Բելառուսի առաջնորդ Ալեքսանդր Լուկաշենկոյի հետ, այդ մասին ուրբաթ՝ օգոստոսի 15-ին, իր TruthSocial սոցիալական ցանցում հայտնել է հանրապետականը։

«Ես հրաշալի զրույց ունեցա Բելառուսի հարգարժան նախագահ Ալեքսանդր Լուկաշենկոյի հետ։ Զանգի նպատակն էր շնորհակալություն հայտնել նրան 16 բանտարկյալների ազատ արձակման համար։ Մենք նաև քննարկում ենք ևս 1300 բանտարկյալների ազատ արձակման հարցը», – գրել է Թրամփը՝ զրույցը անվանելով «շատ արդյունավետ»։ «Մենք քննարկել ենք բազմաթիվ թեմաներ, այդ թվում՝ նախագահ Պուտինի այցը Ալյասկա։ Ես անհամբեր սպասում եմ նախագահ Լուկաշենկոյի հետ ապագայում հանդիպմանը», – նաև ասել է Թրամփը։