ՆԱՏՕ-ի գլխավոր քարտուղարը շեշտում է Թուրքիայի կարևոր դերը Սև ծովում անվտանգության ապահովման գործում
- 08:05 20.08.2025
ՆԱՏՕ-ի գլխավոր քարտուղար Մարկ Ռյութեն զանգահարել է Թուրքիայի նախագահ Ռեջեփ Թայիփ Էրդողանին Վաշինգտոնից վերադառնալիս, որտեղ Դոնալդ Թրամփը հանդիպել է Ուկրաինայի նախագահ Վլադիմիր Զելենսկիի և եվրոպացի առաջնորդների հետ, հաղորդում է Թուրքիայի ղեկավարի մամուլի ծառայությունը։
«Զրույցի ընթացքում քննարկվել են Ուկրաինայի և Ռուսաստանի միջև խաղաղության գործընթացի վերջին զարգացումները։ Նախագահ Էրդողանը և ՆԱՏՕ-ի գլխավոր քարտուղար Ռյութեն ընդգծել են Թուրքիայի առանցքային դերը Ուկրաինայում խաղաղության գործընթացում և Սև ծովում անվտանգության ապահովման գործում», – գրել է ծառայությունը X սոցիալական ցանցում։
«Նախագահ Էրդողանը և ՆԱՏՕ-ի գլխավոր քարտուղար Ռյութեն նաև մտքեր են փոխանակել կենսունակ և կայուն անվտանգության երաշխիքների վերաբերյալ», – հավելել է մամուլի ծառայությունը։