Մակրոնը և Էրդողանը քննարկել են Վաշինգտոնում Փաշինյան-Ալիև հանդիպման արդյունքները
- 17:34 21.08.2025
Ֆրանսիայի և Թուրքիայի առաջնորդներ Էմանուել Մակրոնը և Ռեջեփ Թայիփ Էրդողանը քննարկել են Փաշինյանի և Ալիևի միջև ԱՄՆ նախագահ Դոնալդ Թրամփի հովանու ներքո կայացած հանդիպումը։ Մակրոնը այս մասին հայտնել է X-ում։
Մակրոնը նշել է, որ Էրդողանի հետ զրույցում քննարկվել է միջազգային իրավիճակը, այդ թվում՝ Վաշինգտոնում կայացած բանակցությունների արդյունքները։
«Մենք քննարկել ենք օգոստոսի 8-ին նախագահ Թրամփի հովանու ներքո Հայաստանի վարչապետի և Ադրբեջանի նախագահի հանդիպման հետ կապված սպասումները», – գրել է նա։
Նրա խոսքով՝ կարևոր է, որ ձեռք բերված առաջընթացը շարունակվի, հանգեցնի տարածաշրջանում տրանսպորտային հաղորդակցությունների ապաշրջափակմանը և տարածաշրջանային համագործակցության ամրապնդմանը։