Ուկրաինայի «բարեկամ» Թուրքիան ազդարարել է Ռուսաստանի «հիանալի» պայմանները

Թուրքիայի արտգործնախարար Հաքան Ֆիդանը, որը նախկինում միջնորդ էր Ստամբուլում ռուս-ուկրաինական բանակցություններում, հայտարարել է Ռուսաստանի կողմից առաջարկված փոխզիջման մասին, որը ենթադրաբար առաջարկվել է Ուկրաինային պատկանող տարածքների բաժանման վերաբերյալ՝ Ռուսաստանի ագրեսիվ պատերազմը դադարեցնելու համար: Մոսկվան համաձայն է կանգ առնել Խերսոնի և Զապորոժիեի մարզերի ներյկայիս առաջնագծում, եթե ստանա Դոնբասի այն մասը, որը մնում է Ուկրաինայի վերահսկողության տակ, ասել է Ֆիդանը թուրքական «Հաբերլեր» հրատարակության կողմից օգոստոսի 29-ի գիշերը հրապարակված հարցազրույցում։

«Ներկայումս նախնական համաձայնություն կա Դոնեցկի (Դոնեցկի մարզ) մնացած 25-30 տոկոսը նրանց (Ռուսաստանին – խմբ.) փոխանցելու և Զապորոժիեի ու Խերսոնի մարզերի շփման գծերում կանգ առնելու վերաբերյալ», – ասել է Թուրքիայի արտգործնախարարը:

Ավելի վաղ Ռուսաստանի Դաշնությունը պահանջել էր, որ Կիևը փոխանցի Ուկրաինայի բոլոր չորս մարզերի տարածքները իրենց վարչական սահմաններում, հավելել է Ֆիդանը: Նա կարծում է, որ եթե Կրեմլը համաձայնի «երաշխավորել սա անվտանգության մեխանիզմով», Մոսկվայի կողմից նման զիջումները «ստեղծում են իսկապես հիանալի հիմք շրջանակային համաձայնագրի տեսքով»։