Ռուսաստանը հարված է հասցրել Ուկրաինային։ Կիևում բռնկվել կառավարության շենքը

BBC

Կիրակի գիշերը ռուսական զորքերը նոր համալիր հարված են հասցրել Ուկրաինային՝ հրթիռներով և անօդաչու թռչող սարքերով, որոնց քանակը ամենամեծն է լայնածավալ ներխուժման սկսվելուց ի վեր։ Հրթիռակոծության ամենալուրջ հետևանքները գրանցվել են Կիևում. վնասվել են մի քանի բնակելի շենքեր, զոհվել է մեկ կին և մեկ երեխա։ Հարձակման հետևանքով հրդեհ է բռնկվել Ուկրաինայի նախարարների կաբինետի շենքի վերին հարկերում։

Ռուսական հարձակումը տևել է 12 ժամ։ Ուկրաինայի ռազմաօդային ուժերի տվյալներով՝ ռուսական բանակը շաբաթ օրը ժամը 17:00-ից համակցված հարված է հասցրել՝ օգտագործելով 805 անօդաչու թռչող սարք (հարձակման և իմիտատոր)։ Սա ռեկորդային թիվ է. նախորդ առավելագույնը գրանցվել է հուլիսի 9-ի գիշերը, երբ, ըստ Ուկրաինայի զինված ուժերի, Ռուսաստանը օգտագործել է 728 անօդաչու թռչող սարք, ինչպես նաև հրթիռներ։

Ուկրաինական զինվորականների տվյալներով՝ Ռուսաստանը հարված է հասցրել 13 «Իսկանդեր» հրթիռներով։ Ժամը 08:30-ի դրությամբ «խոցվել/ճնշվել» է 751 օդային թիրախ՝ 747 անօդաչու թռչող սարք և չորս հրթիռ։

«37 վայրերում գրանցվել է ինը հրթիռի և 56 հարձակողական անօդաչու թռչող սարքի հարված», – ասվում է ՌՕՈՒ ամփոփագրում:

Ռուսաստանի պաշտպանության նախարարությունը հաստատել է, որ ռուսական բանակը գիշերը հարձակում է սկսել Ուկրաինայի վրա։