Վենս. Ռուսները ուզում են մոտ 6000 քառակուսի կիլոմետր տարածք, որը դեռ չեն գրավել
- 17:32 10.09.2025
Ռուսաստանի և Ուկրաինայի միջև հակամարտության կարգավորման շուրջ բանակցությունները ներկայումս կենտրոնացած են տարածքային հարցի և անվտանգության երաշխիքների վրա, ասել է ԱՄՆ փոխնախագահ Ջ.Դ. Վենսը One America News Network-ի եթերում։ Ձայնագրությունը հրապարակվել է YouTube-ում։
«Կարծում եմ՝ մենք հասել ենք այն կետին, երբ առնվազն սահմանափակել ենք մի քանի հիմնական հարցերով։ Հարցերից մեկը տարածքայինն է։ Ռուսները ուզում են մոտ 6000 քառակուսի կիլոմետր տարածք, որը դեռ չեն գրավել։ Ահա թե ինչ են նրանք ուզում», – ասել է Վենսը։
Իր հերթին, ուկրաինական կողմը պնդում է անվտանգության երաշխիքների վրա՝ «լինի դա եվրոպացիների, թե որևէ մեկի կողմից», – ասել է Վենսը։ «Նրանք ցանկանում են համոզվել, որ եթե գործարք կնքեն, ռուսները չեն վերադառնա մի քանի ամիս կամ տարի անց և ավելին չեն պահանջի», – հավելել է նա։
ԱՄՆ փոխնախագահը նշել է, որ այս պահին մենք խոսում ենք իսկապես «անհավանական առաջընթացի» մասին, սակայն հարցը մնում է, թե արդյոք «ռուսներն ու ուկրաինացիները կմտնեն խաղաղության դռնով»։ «Մենք շարունակում ենք աշխատել այս ուղղությամբ։ Եվ ես կարծում եմ, որ ի վերջո կհաջողվի խաղաղության համաձայնագրի հասնել։ Հարցն այն է, թե արդյոք սա կտևի ևս մեկ տարի, թե՞ ևս մեկ ամիս, թե՞ հազարավոր, թե՞ միլիոնավոր մարդիկ կմահանան», – ասել է նա։ Վենսի խոսքով՝ ԱՄՆ-ն մեկ ուղերձ ունի և՛ Ռուսաստանի, և՛ Ուկրաինայի համար. «Ձեր շահերից չի բխում հակամարտություն ունենալը, և՛ մեր շահերից չէ, բոլորի շահերից է բխում խաղաղություն ունենալ այս տարածաշրջանում»։