Փաշինյանը երեք անգամ մինչ աքլորականչ մատնեց, բայց Պուտինը ծիծաղեց
- 16:11 10.10.2025
Դուշանբեում կայացած ԱՊՀ գագաթնաժողովում Նիկոլ Փաշինյանը բազմիցս կրկնեց, որ Երևանի և Բաքվի միջև խաղաղությունը հաստատվել է 1991 թվականի ԱՊՀ Ալմա-Աթայի հռչակագրի հիման վրա, որը փաստորեն միակ փաստաթոիղթն է, որը ինչ-որ կերպ նշմարում է Ադրբեջանի սահմանները։
Փաշինյանը այս հայտարարությունն արեց Պուտինի ներկայությամբ, ով Ալմա-Աթայի հռչակագրի հիմնական խախտողն է։ Ռուսաստանը 2014 թվականին անեքսիայի ենթարկեց ուկրաինական Ղրիմը և Դոնբասի մի մասը, իսկ 2024 թվականին իր Սահմանադրության մեջ ներառեց նվաճված տարածքները։ Ռուսաստանն առ այսօր խախտում է Ալմա-Աթայի հռչակագիրը, պատերազմ վարելով Ուկրաինայի դեմ։
Չնայած դրան, Ռուսաստանը ճանաչեց հայկական Արցախը որպես «Ադրբեջանի» մաս և Բաքվի հետ միասին օկուպացրեց Արցախը և արտաքսեց նրա բնիկ բնակիչներին։
“Այս տարվա օգոստոսի 8-ին Վաշինգտոնում կայացած խաղաղության գագաթնաժողովից հետո, նախագահ Թրամփի նախաձեռնությամբ, նախագահ Ալիևի հետ ընդունեցինք հռչակագիր, որում նշվում է, որ Հայաստանը և Ադրբեջանը ճանաչում են անցյալի հակամարտության հետ կապ չունեցող ավելի լուսավոր ապագայի ուղղությամբ կողմնորոշվելու անհրաժեշտությունը՝ համաձայն ՄԱԿ–ի կանոնադրության և 1991 թվականի Ալմաթիի հռչակագրի”, ասել է Փաշինյանը:
Նա նշեց, որ նախաստորագրված “խաղաղության պահմանագիրը” ևս “հղում է կատարում 1991 թվականի Ալմաթիի հռչակագրին: Այս համատեքստում կողմերը հաստատեցին իրենց ըմբռնումը, որ նախկին ԽՍՀՄ հանրապետությունների միջև սահմանները դարձել են համապատասխան անկախ պետությունների միջազգային սահմաններ: 1991 թվականի Ալմաթիի հռչակագիրը ծառայում է նաև որպես երկու երկրների միջև միջպետական սահմանազատման հիմնական սկզբունք, ասել է Փաշինյանը։
ԱՊՀ անդամ պետությունների նախագահները նստած ծիծաղում էին ու զարմանում, թե ինչպես է Փաշինյանին հաջողվել մութ արկղներից գտնել այդ փաստաթուղթը, որ գոնե մի կերպ արդարացնի Արցախի հանձնումը։