Կողոպուտ Լուվրից. թագը գտնվել է
- 08:55 20.10.2025
Կիրակի առավոտյան՝ հոկտեմբերի 19-ին, անհայտ անձինք թալանել են Փարիզի Լուվրը։ Գողերին յոթ րոպե է պահանջվել Նապոլեոն Բոնապարտին պատկանող զարդերը և այլ արժեքավոր իրեր գողանալու համար։ Սա թանգարանում կատարված ամենաանամոթ կողոպուտն է 1911 թվականից ի վեր, երբ գողացվել էր Լեոնարդո դա Վինչիի գլուխգործոցը՝ «Մոնա Լիզան»։
TF1-ին տված հարցազրույցում Ֆրանսիայի մշակույթի նախարար Ռաշիդա Դատին հայտարարել է, որ գողացված իրերից մեկը հայտնաբերվել է թանգարանի մոտակայքում։
Մի քանի ֆրանսիական լրատվամիջոցներ հաղորդում են, որ դա 19-րդ դարի թագ է, որը պատկանել է Ֆրանսիան կառավարող Նապոլեոն III-ի կնոջը՝ կայսրուհի Եվգենիային։ Այն կոտրված է գտնվել։
Ներքին գործերի նախարար Լորան Նունյեսը հայտնել է, որ երեք կամ չորս գողեր օգտագործել են բեռնատար մեքենայի բարձրավանդակը։
Ներսում գողերը գողացել են զարդեր ցուցափեղկերից, ապա փախել են սքութերներով։ Կողոպուտը տևել է յոթ րոպե։ Նրանց դեռ չեն գտել։