Հովհաննավանքը կարող է դառնալ պետության կողմից եկեղեցական գույքի բռնագրավման առաջին նախադեպը
- 17:34 22.10.2025
Կիրակի օրը Հովհաննավանքի կարգալույծ նախկին քահանա Արամը կկատարի պատարագ, որին արդեն հայտարարվել է Նիկոլ Փաշինյանի մասնակցությունը: Ըստ որոշ տեղեկությունների՝ եկեղեցում արդեն հերթապահություն է իրականացնում ոստիկանությունը, և «բարելակարգման» աշխատանքներ են ընթանում։
Հովհաննավանքը կարող է դառնալ պետության կողմից եկեղեցի բռնագրավելու առաջին նախադեպը: Եկեղեցին չունի զինված կամ այլ ուժեր, և պարզ չէ, թե ինչպես կկարողանա եկեղեցին պաշտպանել իր սեփականությունը (Հովհաննավանքը և մյուս եկեղեցիները պատկանում են Հայ Առաքելական Եկեղեցուն, և կաթողիկոսը կառավարում է դրանք), եթե այն «ազգայնացվի» պետության կողմից հազարավոր ոստիկանների օգնությամբ։
Հայ Առաքելական Եկեղեցին լավ ծանոթ է հալածանքներին: Սակայն վերջին տասնամյակներում, թերևս, միակ վայրը, որտեղ հայ հոգևորականները ստիպված են եղել դիմել արմունկային քաշքշուկի, Երուսաղեմն է: Տիրոջ տաճարում գրեթե յուրաքանչյուր մեծ պատարագ վերածվում է կռվի, իսկ Իսրայելի կառավարությունը հրահրում է գործընթացներ, որոնք կարող են հանգեցնել հայ համայնքի սեփականության բռնագրավմանը:
3-5 տրի առաջ էլ Հայ Առաքելական Եկեղեցին կորցրեց իր Արցախյան սեփականության՝ հարյուրավոր եկեղեցիների, հին հուշարձանների և մասունքների հասանելիությունը։ Այս եկեղեցիներից մի քանիսն արդեն ոչնչացվել են, բայց դա չի ազդել Էջմիածնի այդ եկեղեցիների հանդեպ սեփականության իրավունքների վրա։
Այս տարվա մայիսին Շվեյցարիայում տեղի ունեցած Արցախում մնացած ժառանգության և հուշարձանների ճակատագրի վերաբերյալ լսումներից հետո, որտեղ գլխավոր զեկուցողն էր Գարեգին Բ կաթողիկոսը, սկսվեցին նրա հետապնդումները։ Փաշինյանի կինը զայրացած գրառում արեց՝ հարցնելով, թե ինչ էր անում Գարեգինը Շվեյցարիայում և ում է փրկում։ Նրա ամուսինը հանկարծ բացահայտեց, որ կաթողիկոսը զավակ ունի, ինչը նշանակում է, որ նա խախտել է իր կուսակրոնության ուխտը։
Ի՞նչ է Փաշինյանի կառավարությունը մտադիր անել եկեղեցական հսկայական սեփականության հետ, եթե կաթողիկոսը հանկարծ հեռացվի պաշտոնից, և “գույքն” անտեր մնա։ Եվ ի՞նչ կարող է անել եկեղեցին, եթե կառավարությունը, օգտագործելով բռնության բոլոր «օրինական» գործիքները, սկսի «գրավել» եկեղեցիները։ Արդյո՞ք գրավված եկեղեցիները կփոխանցվեն կառավարության «հաշվեկշռին», և արդյոք Փաշինյանն իրավունք կունենա՞ «նվիրել» Երուսաղեմի եկեղեցու սեփականությունը Իսրայելին, Արցախյան եկեղեցիներն՝ Ալիևին, իսկ Օսմանյան կայսրությունում մնացած մասը՝ Էրդողանին։
Մեծի Տանն Կիլիկիո կաթողիկոս Արամ Ա-ն, որը վերջերս իր դեսպանորդն էր ուղարկել Երևան, ակնհայտորեն գիտակցել է, որ նույնիսկ իր կաթողիկոսության իրավասության տակ գտնվող եկեղեցիները վտանգված են։ Նա այսօր հայտարարել է, որ Հայաստանին նոր կառավարություն է պետք, սակայն չի մանրամասնել, թե արդյոք գործող կառավարությունը ցանկանում է բռնագրավել Անթիլիասի Հայ Առաքելական եկեղեցու սեփականությունը։
Հովհաննավանքը կարող է դառնալ առաջին նախադեպը։