Մեծ Եգիպտական թանգարան. Թութանհամոնի գանձերը հանվել են ցուցադրությանեն
- 08:59 03.11.2025
BBC-ն հաղորդում է, որ Հին Աշխարհի Յոթ Հրաշքներից միակ պահպանված՝ Գիզայի Մեծ բուրգի ստվերում կառուցված Մեծ Եգիպտական թանգարանը վերջապես բացել է իր դռները։
500,000 քառակուսի մետր տարածքով թանգարանը, որը Լուվրի չափսերից կրկնակի մեծ է, ներառում է 70,000-ից 100,000 ցուցանմուշ, այդ թվում՝ երիտասարդ փարավոն Թութանհամոնի դամբարանից նախկինում չցուցադրված գանձեր։
Թութանհամոնը գրավել է մարդկանց սրտերը այն ժամանակվանից, երբ բրիտանացի եգիպտագետ Հովարդ Քարթերը 1922 թվականին հայտնաբերեց նրա մոռացված դամբարանը Թագավորների հովտում։
Այժմ, աշխարհի տարբեր քաղաքներում տասնամյակներ շարունակ ցուցադրվելուց հետո, նրա ոսկե դիմակը, գահը և նրա հետ թաղված ավելի քան 5000 գանձեր (որոնցից շատերը երբեք հրապարակայնորեն չեն ցուցադրվել) առաջին անգամ ամբողջությամբ կցուցադրվեն։