Հրաձգություն ԱՄՆ ամենախորհրդանշական համալսարանում, երկու զոհ

Շաբաթ օրն ավելի քան 400 իրավապահ է ներգրավվել ԱՄՆ Ռոդ Այլենդ նահանգի Բրաունի համալսարանում հրաձգության կասկածյալի որոնումներում։ Հրաձգության հետևանքով զոհվել է երկու ուսանող, ևս ինը մարդ վիրավորվել է, հայտնում է Reuters-ը։

Պրովիդենս քաղաքում գտնվող Բրաունի համալսարանը ԱՄՆ ամենահեղինակավոր և խորհրդանշող մասնավոր բուհերից է և մտնում է Բաղեղի լիգայի մեջ։

Ըստ պաշտոնյաների, կասկածյալը դեռ ազատության մեջ է։

Պրովիդենսի ոստիկանապետի տեղակալ Տիմոտի Օ’Հարան ասել է, որ կասկածյալի ինքնությունը պարզված չէ։ Պաշտոնյաները հայտարարել են, որ կհրապարակեն կասկածյալի տեսագրությունը. խոսքը մոտ 30 տարեկան, սև հագուստով տղամարդու մասին է, որը, ըստ Օ’Հարայի, հնարավոր է՝ դիմակով է եղել։

ԱՄՆ նախագահ Դոնալդ Թրամփը Սպիտակ տանը լրագրողներին հայտնել է, որ իրեն զեկուցել են իրավիճակի մասին, որը նա անվանել է «սարսափելի»։

«Այս պահին մենք կարող ենք միայն աղոթել զոհերի և նրանց համար, ովքեր լրջորեն տուժել են», – ասել է նա։

Ուսանողներին և մոտակա շենքերի բնակիչներին հորդորել են փակել դռները և առանց անհրաժեշտության փողոց դուրս չգալ։