Ռուսաստանի և Ուկրաինայի “морской бой”-ը՝ Սև, Ազովի, Կասպից, իսկ հիմա՝ Միջերկրական ծով
- 09:06 20.12.2025
Հնարավոր է, առաջին անգամ Միջերկրական ծովում Ռուսաստանի այսպես կոչված «ստվերային նավատորմին» պատկանող նավը հարձակման ենթարկվել։ Լրագրող Ալեքսանդր Նևզորովի տվյալներով՝ հարվածը, ենթադրաբար, իրականացրել են Ուկրաինայի զինված ուժերը։ Նա պնդում է, որ անօդաչու նավակները մեկնել են հունական նավահանգստից, անցել մոտ 500 կիլոմետր ջրի տակ, ապա անօդաչու թռչող սարքեր են արձակել թիրախի վրա։ Նա պնդում է, որ դա «Քենդիլ» տանկերն էր, որը Ռուսաստանի «ստվերային նավատորմի» մաս է կազմում, որն օգտագործվում է պատժամիջոցներից խուսափելու համար։
Ռուսաստանի և Ուկրաինայի միջև «ծովային մարտը» վաղուց մտել է օտար ջրեր։
Վերջին մեկ ամսվա ընթացքում Ուկրաինան հարվածել է Կասպից ծովում գտնվող ռուսական «Լուկոյլ» ընկերության երեք արտադրական հարթակների։ Վերջերս հրթիռային հարձակում է տեղի ունեցել Ռոստովի Ազովի նավահանգստի վրա, որի հետևանքով զոհվել է մի քանի մարդ և մեծ վնասներ են պատճառվել։
Իսկ դեկտեմբերի 19-ի երեկոյան Ռուսաստանը ևս մեկ հարված է հասցրել Օդեսայի մարզի նավահանգստային ենթակառուցվածքներին, այս անգամ բալիստիկ հրթիռներով, որի հետևանքով զոհվել է յոթ մարդ։