Ընդդիմությունը Փաշինյանի ընտրությունների մասին հայտարարությունները որակեց որպես «իշխանությունը յուրացնելու փորձ»
- 08:18 08.06.2026
«Հայաստան» ընդդիմադիր դաշինքի պատգամավորի թեկնածու Իշխան Սաղաթելյանը պնդում է, որ նախքան ընտրությունների արդյունքների ամփոփումը Նիկոլ Փաշինյանի հայտարարությունները «Քաղաքացիական պայմանագրի» հաղթանակի մասին «պարզապես ԿԸՀ-ի վրա ճնշում գործադրելու և իշխանությունը յուրացնելու քայլեր են»։
«Միասնության թևեր» կուսակցության վարչապետի թեկնածու, նախկին օմբուդսմեն Արման Թաթոյանը, իր հերթին, Ֆեյսբուքում գրում է. – «Կառավարության ղեկավարը չունի իրավասություն հանդես գալու հայտարարությամբ և հայտարարելու իր միանձնյա հաղթանակի մասին, երբ քվեարկության արդյունքների 10 տոկոսից մի փոքր ավելին է հաշվարկված, երբ Երևանում քվեարկության արդյունքների 10 տոկոսն էլ ամփոփած չէ»:
«Նիկոլ Փաշինյանի այս հայտարարությունը համարում ենք ընտրությունների արդյունքների վրա ազդելու նպատակով ԿԸՀ-ի վրա բացահայտ անօրինական ազդեցություն, որը քրեորեն պատժելի է», – հայտարարում է նախկին ՄԻՊ-ը:
«Լուսավոր Հայաստան» կուսակցության առաջնորդ Էդմոն Մարուքյանը ևս ընդգծում է, որ «ընտրական օրենսդրության բոլոր նորմերի ոտնահարում է, բոլոր»: