146 տարվա մեղվաբուծական ժառանգություն. Արցախից մինչև Հայաստան և միջազգային շուկա
- 19:09 15.07.2026
«Հաթերք Ֆուդ»-ի նախաձեռնությամբ Երևանում բացվեց մեղրի մասնավոր թանգարան՝ «Հաթերք Մեղրի Թանգարանը»։ Թանգարանում ներկայացված են մեղրի եզակի նմուշներ և ցուցանմուշներ, որոնք նվիրված են Արցախում և Հայաստանում մեղվաբուծության պատմությանը։
«Հաթերք Ֆուդ»-ի և «Հաթերք Մեղրի Թանգարանի» հիմնադիր Սամվել Միրզախանյանի խոսքով՝ «թանգարանը եզակի է նրանով, որ այն առաջին թանգարանն է, որը ստեղծվել է մեր ընտանիքի 146-ամյա մեղվաբուծական ժառանգության և հայկական մեղվաբուծական մշակույթը պահպանելու և տարածելու գաղափարի հիման վրա»։
«Հաթերք Մեղրի Թանգարանը և Գլխավոր Խանութը» պաշտոնապես բացվել են հուլիսի 15-ին և գտնվում են Երևանի Բաղրամյան պողոտա 70/7 հասցեում։
«Հաթերք Ֆուդ» ընկերությունը հիմնադրվել է 2018 թվականին՝ բժիշկ Սամվել Միրզախանյանի կողմից, ով ծնունդով արցախյան Հաթերք գյուղից է (Մարտակերտի շրջան)։ Ապրանքանիշի հիմնական առաքելությունն է զարգացնել և պահպանել հայրենի գյուղի մեղվաբուծական ավանդույթները, որոնք 146 տարի փոխանցվել են հիմնադրի ընտանիքում։
Վերջին մի քանի տարիներին ընկերությունը շարունակել է իր գործունեությունը Հայաստանում: Այսօր «Հաթերք Ֆուդ»-ը հայտնի հայկական ապրանքանիշ է, որը մասնագիտանում է 100% բնական օրգանական մեղրի և մեղվաբուծական այլ մթերքների արտադրության մեջ՝ խթանելով առողջ և օրգանական սննդի սկզբունքները։
Մասնակցելով միջազգային ցուցահանդեսների և արդյունաբերական միջոցառումների՝ ընկերությունը ստացել է բազմաթիվ մրցանակներ և ճանաչման է արժանացել ինչպես Հայաստանում, այնպես էլ արտերկրում։
«Հաթերք Ֆուդ»-ի արտադրանքի մասին ավելին կարող եք իմանալ ընկերության պաշտոնական կայքում և սոցիալական ցանցերի էջերում: Արտադրանքը կարելի է ձեռք բերել ընկերության խանութներում՝ Երևանում, ինչպես նաև առցանց և տեղական առաքման ծառայությունների միջոցով։
Ալվարդ Գրիգորյան