Քննարկվել են արցախցիների կարգավիճակի և սոցիալական իրավունքների իրացման խնդիրները

• 08:52 01.09.2026
• Share

Protection of Rights without Borders

Քննարկվեցին Արցախից բռնի տեղահանված անձանց կարգավիճակի և սոցիալական իրավունքների իրացման խնդիրները

Օգոստոսի 31-ին «Իրավունքների պաշտպանություն առանց սահմանների» (ԻՊԱՍ) ՀԿ-ն Երևանում անցկացրեց «Արցախից բռնի տեղահանված անձանց կարգավիճակի և սոցիալական իրավունքների իրացման ոլորտում իրավակիրառ պրակտիկայի խնդիրներ» թեմայով քննարկում։

«Իրավունքների պաշտպանություն առանց սահմանների» ՀԿ նախագահ Արաքս Մելքոնյանն իր խոսքում նշեց, որ կազմակերպությունը ուշադրության կետրոնում է պահում Արցախից բռնի տեղահանվածների իրավունքների պաշտպանության հարցը, այդ թվում՝ կարգավիճակի ու սոցիալական իրավունքների իրացման համար նրանց տրամադրելով անվճար իրավաբանական աջակցություն։

ԻՊԱՍ-ի փաստաբաններ Նինա Հակոբյանը և Տաթևիկ Սիրադեղյանը ներկայացրին կազմակերպության կողմից իրավաբանական աջակցություն ցուցաբերելու շրջանակներում արձանագրված խնդիրները։